НҰР-СҰЛТАН, 2 қазан — Sputnik. Қазақстанның премьер-министрі Асқар Мамин мен Ресей үкіметінің басшысы Михаил Мишустин телефон арқылы сөйлесті. Бұл туралы ресейлік кабминнің баспасөз қызметі хабарлады.
Екі елдің үкімет басшылары Қазақстан мен Ресейдің сауда-экономикалық әріптестігі мен Еуразиялық экономикалық одақ аясындағы өзара байланыс мәселесін талқылады.
Сондай-ақ, Мамин мен Мишустин үкімет бағыты бойынша кездесулердің кестесін сөз етті.
Еске сала кетсек, 9 қазанда ЕАЭО-ға мүше елдердің қатысуымен Арменияда үкіметаралық кеңес отырысы өтеді. Бұған дейін Арменияның премьер-министрі Никол Пашинян елде әскери жағдай енгізілгеніне қарамастан, үкіметаралық отырысты қабылдауға әзір екенін жеткізді.