АЛМАТЫ, 29 қыркүйек – Sputnik. 29 қыркүйектен бастап Алматыда қоғамдық көлік қалыпты жұмыс режиміне оралады, деп хабарлады қаланың көлік холдингі.
"29 қыркүйектен бастап Алматы қаласының қоғамдық көліктері сағат 06:00-ден 23:00-ге дейін жүретін болады", - делінген ақпаратта.
Айта кетейік, бұған дейін Алматыда қоғамдық көліктің жұмысы бір сағатқа, 22.00-ге дейін қысқартылды.
Сонымен қатар қалада демалыс күндері қоғамдық көлік әдеттегідей жұмыс істейді. Қала тұрғындары мен қонақтары автобуста медициналық маска тағуға міндетті. Жол ақысы тек электронды түрде төленеді.