НҰР-СҰЛТАН, 13 қыркүйек – Sputnik. Өткен тәулікте алты адам коронавирустан, бір науқас пневмониядан көз жұмды, деп хабарлайды денсаулық сақтау министрлігі.
Өткен тәулікте 346 пациентте коронавирустық инфекция белгілері бар пневмония диагнозы расталды.
1 тамыздан бері пневмонияға шалдыққандар саны 29 581 адамға жетті. 321 науқас қайтыс болды. 6 823 адам сауығып шықты.
Қазір коронавирустан 4 521 адам емделіп жатыр. Олардың арасында 35 бала бар. Стационарларда 2 352 науқас жатыр. 2 169 адам амбулаториялық жағдайда емделуде.
Тағы оқыңыз: Қазақстанда коронавирус жұқтырғандар саны көбейді
Науқастардың арасында 129 адамның жағдайы ауыр, соның ішінде 22 пациенттің хәлі мүшкіл. 27 науқас жасанды тыныс алдырту аппаратына қосылған.