НҰР-СҰЛТАН, 30 тамыз - Sputnik. Жаздың соңғы күні, 31 тамызда ауа райы жылы болады.
Елдің басым бөлігінде антициклон әсерінен ауа температурасы 25…33 градусқа дейін көтеріледі.
Батыс пен оңтүстік-шығыста, оңтүстікте жауын жаууы мүмкін.
Өңірлердегі ауа райы
Жамбыл облысында жел 15-20 м/с-ке дейін күшейеді, түнде және таңертең тұман болады. Күндіз Түркістан, Қызылорда, Солтүстік Қазақстан, Қарағанды облыстарында да жел күшейеді.
Атырау, Ақтөбеде және Қарағанды облысының оңтүстігінде аптап ыстық болады.
Қызылорда, Атырау, Алматы облысының солтүстік-батысында, Түркістан облысының шығысында, Батыс Қазақстан облысының оңтүстігінде және Қарағанды облысының батысында өрт қаупі жоғары.
Ірі қалалардағы ауа райы
Елордада жауын-шашынсыз. Күндіз 29…31 градус жылы.
Алматыда күн алабұлтты, +29+31 градус жылы.
Шымкентте жаңбыр, 27…29 градус жылы.