НҰР-СҰЛТАН, 20 тамыз – Sputnik. Румыния әншісі Тави Пустиу Плоешти қаласында жол апатынан қайтыс болды, деп жазды Daily Star порталы.
Музыкант көлікпен келе жатып, Instagram-да тікелей эфир жүргізген, қасында әйелі болған. Бір кезде 29 жастағы әнші көлігіне қарай пойыз келе жатқанын байқайды, бірақ теміржол өткелінен өтіп үлгермеген. Салдарынан Тави Пустиу оқиға орнында көз жұмды, ал оның 24 жастағы әйелі ауыр халде ауруханаға жеткізілді. Құтқарушылар ерлі-зайыптыны жапырылып қалған көліктен әрең алып шыққан.
Трагедиядан шамамен бір айдай бұрын әртіс әлеуметтік желідегі парақшасында сәуегейлік танытқан болып шықты.
"Бір күні бұзылған пойыз сені қажетті жеріңе жеткізеді", - деп жазған Тави Пустиу.
Сұлулық байқауына қатысқан ару трактордың астына түсіп көз жұмды
Жергілікті полиция апатқа жол ережесін сақтамау себеп болғанын хабарлады.