НҰР-СҰЛТАН, 2 тамыз – Sputnik. Денсаулық сақтау вице-министрі Олжас Әбішев ұсталды, деп хабарлайды Sputnik Қазақстан.
"ҚР қаржы министрлігінің қаржылық мониторинг комитеті экономикалық тергеу қызметінің ҚР денсаулық сақтау вице-министрі О.Әбішевтің ұстағанын растайды. Ол бюджеттік қаржыны жымқырды деген күдікке ілінді", - делінген хабарламада.
Қазіргі уақытта тергеу шаралары жүргізіліп жатыр. ҚР қылмыстық-процестік кодекстің 201-бабына сәйкес сотқа дейінгі тергеу мәліметтерін жариялауға болмайды.
Денсаулық сақтау министрінің орынбасары ұсталды
© Photo : пресс-служба премьер-министра РК
Олжас Әбішев денсаулық сақтау вице-министрі қызметіне 2018 жылы тағайындалған болатын. Ол цифрландыру және ақпараттық қауіпсіздік мәселелері саласына жетекшілік етті.