НҰР-СҰЛТАН, 29 шілде – Sputnik. Шығыс Қазақстан облысы Бұқтырма су қоймасы маңындағы курорттық аймақта нөсер жаңбыр болып, ірі бұршақ түсті.
Куәгерлер видеоны жарыса бөлісіп жатыр. Бірер минут ішінде жер аппақ болып кетті.
Қазгидромет болжамына сәйкес, 29 шілдеде дабылды ескерту жариялаған болатын. Синоптиктер бұршақ жауып, күн күркірейтінін хабарлаған еді.
Облыстық төтенше жағдайлар департаменті зардап шеккендер мен қираған ғимараттар туралы хабар түспегенін айтты. Жаздың ортасында мұндай бұршақ жаууы айтарлық жиі болмайтын жағдай.