НҰР-СҰЛТАН, 25 шілде – Sputnik. 1 676 000 қазақстандық 42 500 теңге біржолғы әлеуметтік төлем алды, деп хабарлады еңбек және халықты әлеуметтік қорғау министрлігі.
"Шілде айында шектеу шаралары енгізілуіне байланысты табысыннан айырылған азаматтардан мемлекеттік әлеуметтік сақтандыру қорынан біржолғы төлемді тағайындау үшін 2,1 миллионға жуық өтініш түсті. Төлем мөлшері ең төменгі жалақы мөлшері – 42 500 теңгеге тең", – делінген хабарламада.
Қазірге кезде 1,7 миллион адамға төлем тағайындалды. Ал ақша бір миллион 676 мың қазақстандыққа аударылды.
Азаматтардан өтініштер мынадай санаттар бойынша тіркелді:
- бірыңғай жиынтық төлемді төлеушілерден (проактивті форматта) 804,4 мың;
- жұмыс берушілердің қызметкерлерге берген өтініші бойынша 150,2 мың;
- азаматтардың басқа санаттарынан (жеке кәсіпкерлер; жеке кәсіппен айналысатын адамдар; азаматтық-құқықтық келісімшарттар бойынша табыс алатын адамдар) 1 миллион 144 мың өтініш түсті.
42 500 теңге төлемі үшінші рет тағайындалды
Мемлекет басшысының тапсырмасы бойынша, 2020 жылдың шілдесінде карантиндік шаралардың енгізілуіне байланысты жұмыс істейтін қазақстандықтар кірісі толықтай жоғалған жағдайда ең төменгі жалақы мөлшерінде – 42 500 теңге мөлшерінде біржолғы төлем алады. Өтінімдер 2020 жылдың 1 қыркүйегіне дейін қабылданады.
Оқи отырыңыз: Кімдер 42 500 теңгеге өтінімді 19 шілдеден бастап береді?