НҰР-СҰЛТАН, 8 шілде – Sputnik. Қазақстан президенті Қасым-Жомарт Тоқаев сәрсенбі сағат 20:30-да телевизиялық үндеу жасайды.
"Бүгін сағат 20:30-дa мемлекет басшысы Қасым-Жомарт Тоқаев республикалық телеарналар арқылы елімізде қалыптасқан ахуалға байланысты телевизиялық үндеу жасайды", - деп хабарлады президенттің баспасөз хатшысы Берік Уәли.
Тоқаев пандемияға қарсы күрес барысында барша қазақстандықты мазалаған проблемалар туралы айтуды жоспарлап отыр.