НҰР-СҰЛТАН, 27 маусым – Sputnik. Қазақстанда тағы бір мереке пайда болуы мүмкін. Мәдениет және спорт министрлігі мерекелік даталардың қатары Абай күнімен толықтырылған қаулының жобасын жариялады.
Абай күнін ақынның туған күні – 10 тамызда атап өту ұсынылып отыр. Қаулының жобасы 13 шілдеге дейін талқыланады. Жобаны мына жерден көруге болады.
Оқи отырыңыз: Алматыда Абайға ескерткіш қойылды
Жоба "Қазақстан Республикасындағы мерекелер туралы" туралың заңның 4-бабына сәйкес әзірленген.
Абайдың 175-жылдығы
Биылғы жылы Қазақстанда қазақ халқының ұлы ақыны Абай Құнанбайұлының 175-жылдығы аталып өтіп жатыр. Елде және басқа да мемлекеттерде ауқымды акциялар мен іс-шаралар өткізілуде. Ақынның мерейтойын тойлауға республикалық бюджеттен 2,36 миллиард теңге бөлінді.
Оқи отырыңыз: Ленинді Абай алмастырды: Қарағандыда он көшенің атауы өзгереді