НҰР-СҰЛТАН, 23 маусым – Sputnik. Ресей президенті Владимир Путин шілдеде балаларға тағы бір жәрдемақы төлеуді тапсырды.
Ақша маусымда жәрдемақы алғандардың есепшотына автоматты түрде түседі. Өтініш жазу қажет емес. 28 миллион баланы қамту жоспарланып отыр.
"Экономика әлі толықтай іске қосылған жоқ, жұмсысыздық деңгейі өсті. Әлі де қиындық бар. Осыған байланысты шілде айында тағым да 16 жасқа дейінгі әр балаға 10 мың рубль (59 мың теңге шамасында – Sputnik) төлеу қажет деп санаймын", - деді Ресей басшысы.
Сондай-ақ, үш жасқа дейінгі балалары бар отбасыларға ақша төленеді.
Бұдан бөлек, пандемияға байланысты әлеуметтік қызметкерлерге төленетін төлемдер 15 қыркүйекке дейін ұзартылды.