НҰР-СҰЛТАН, 20 маусым – Sputnik. Елордада адам көп жиналатын орындарда дезинфекция жасалды, деп хабарлайды қала әкімдігінің баспасөз қызметі.
Дезенфекция саябақтар мен жағалауларда, базарлар, сауда орындары мен сауда ойын-сауық орталықтары сияқты көптеген қоғамдық орындарда жасалды.
Қалалық қызметкерлермен бірге дезинфекциялауға әскери қызметшілер мен қатар, арнайы машиналар да қатысты.
Нұр-Сұлтан қаласының бас санитар дәрігері Жанна Пірәлиеваның қаулысына сәйкес, сауда және ойын-сауық орталықтарының, базарлардың, сауда үйлерінің және басқа да адам көп жиналатын орындардың басшылары жұмыс орындарында дезинфекция жүргізуі тиіс.
Айта кетейік, 20-21 маусым аралығында қоғамдық көлік жүрмейді. Қаланың тыныс-тіршілігін қамтамасыз ететін нысандар, тұрғын үйлердің маңында орналасқан дәріханалар мен азық-түлік дүкендерінен (жұмыс кестесі сағат 10-нан 17-ге дейін) басқа кәсіпорындардың барлығы жұмыс істемейді.
Сонымен бірге барлық қоғамдық орындар: саябақтар және басқа да адам көп жиналатын орындар жабылды.
20-21 маусымда тұрғындардың жеке автокөлікпен қала аумағында қатынауына шектеу қойылды.
Оқи отырыңыз: Тепловизор және дезинфекция түнелі: ҰБТ тапсыру орындары қалай жабдықталады
Жұмыс орнына (қызметі рұқсат етілген жағдайда), жақын маңдағы дәріханаларға, азық-түлік дүкендеріне, медициналық қызмет алуға ғана қатынауға рұқсат етіледі.