НҰР-СҰЛТАН, 16 маусым – Sputnik. Алматыда ADK сауда орталығының шатырынан өрт шықты, деп хабарлады қалалық ТЖД баспасөз қызметі.
"Төтенше жағдайлар департаментінің өрт сөндірушілері Бостандық ауданы, Сәтпаев көшесі, 90 мекенжайында жұмыс істеп жатыр – ADK ғимаратының шатырынан қалың қара түтін шықты, ашық жанып жатқан жоқ, адамдар эвакуациялануда", - делінген хабарламада.
Өртті сөндіруге жеке құрамның 67 адамы мен 25 техника жұмылдырылды. Жұмысты жол бойындағы жеке көліктер қиындатқан, 109 құтқару қызметінің эвакуаторлары шақырылды.
Алматыда ADK сауда орталығының шатыры өртеніп жатыр
© Sputnik / Стрингер
Сонымен қатар, "Алматы Тазалықтың" екі суарып жуатын машинасы және "Алматы судың" екі техникасы тартылды. Үздіксіз су берумен қамтамасыз етілді. Өрт сағат 19:36-да ауыздықталды.