Қазақстанда 16 наурызда енгізілген төтенше жағдай режимі 11 мамырда аяқталды. Бірақ карантиндік шектеулер өңірлерде біртіндеп алынады. Төтенше жағдай аяқталса да, бұқаралық және отбасылық шараларға тыйым салынып отыр. Сондай-ақ, сауда ойын-сауық орталықтары, кинотеатрлар, көрмелер, көпшілік жиналатын басқа да нысандар жабық болады. Діни нысандар да әзірше ашылмайды. Алайда біз алдағы күндерге жоспарланған шаралар туралы хабардар етеміз.
15 мамырға жоспарланған шаралар
11.00 – "ANTIKOR ORTALYGY" алаңында Нұр-Сұлтан қаласы "Есіл" ауданының әкімі Берік Жәкеновтің қатысуымен онлайн-сұхбат. Тақырып: "2020-2021 жылдарға арналған Жұмыспен қамту жол картасын іске асыру"
16 мамырға жоспарланған шаралар
12.00 – Қастеев атындағы мемлекеттік өнер музейінің қызметкері Айсұлу Үсентаевадан "Гобелен" шеберлік сағаты (Трансляция музейдің Facebook-тегі ресми парақшасында).
18 мамырға жоспарланған шаралар
20.00 - "Астана Балет" театрының On Stage/Online жобасы. Театрдың пайда болу тарихы мен оның дәстүріне арналған. Бұл жолғы қонақ – театр хореографы Рикардо Амаранте. Дәрісті "Астана Балет" театрының Youtube-каналынан көруге болады.
21.00 – Онлайн режимде "Музейдегі түн". Қастеев атындағы мемлекеттік өнер музейі жыл сайын 18 мамырда, Халықаралық музей күні, мерекелік акция өткізеді. Биыл карантинге қарамастан қазақстандықтарды мазмұнды бағдарлама күтіп тұр: бейнеэкскурсиялар, виртуалды вернисаж, бейнеконцерттер. Трансляция музейдің Facebook-тегі парақшасында жүргізіледі және 19 мамыр 02.00-ге дейін жалғасады.
27 мамырға жоспарланған шаралар
15.00 – Орталық коммунациялар қызметінде энергетика министрі Нұрлан Ноғаевтың халыққа есеп беру кездесуі. Кездесу онлайн режимде энергетика министрлігінің интернет-ресурсында, Facebook, Youtube желілеріндегі ресми аккаунттарында және "Хабар 24" телеарнасында трансляцияланады. Министрге мына нөмірлер арқылы сұрақ қоюға болады: 8(7172) 786862, 786958, 786884, 786887, 786886 немесе a.tazabekova@energo.gov.kz поштасы арқылы. БАҚ өкілдері өз сауалдарын zh.khamitkyzy@energo.gov.kz поштасына жолдауы тиіс.
28 мамырға жоспарланған шаралар
20.00 – "Астана Балет" театрының On Stage/Online жобасы. Театрдың пайда болу тарихы мен оның дәстүріне арналған. Шығарылым қонағы – театрдың жетекші солисі Фархад Буриев "Вальпургиев түні" бір актілі балетіндегі көркем образдар туралы айтады. Дәрісті "Астана Балет" театрының Youtube-каналынан қарауға болады.
Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.