НҰР-СҰЛТАН, 13 мамыр – Sputnik. 1 маусымнан бастап елде кезең-кезеңмен ішкі теміржол қатынасы жанданады.
Үкімет басшысының орынбасары Ералы Тоғжановтың төрағалығымен өткен коронавирус инфекциясының таралуына жол бермеу жөніндегі ведомствоаралық комиссияның отырысында осындай шешім қабылданды, деп хабарлайды primeminister.kz.
"2020 жылдың 1 маусымынан бастап мемлекеттік бас санитар дәрігердің талаптарын ескере отырып, ішкі теміржол қатынасын кезең-кезеңмен жандандыру жоспарланып отыр", - делінген хабарламада.
Жолаушылар пойыздарына билет 15 мамырдан сатыла бастайды.
Тағы оқыңыз: Нұр-Сұлтанда автобустар қалай жүретін болады
Бұған дейін 13 мамырдан Шымкент, Ақтау, Орал, Жезқазған, Балқаш, Үржар және Зайсан қалаларына ішкі әуе рейстері ашылатыны хабарланған еді.