НҰР-СҰЛТАН, 15 сәуір - Sputnik. Коронавирус инфекциясын жұқтырған тағы 15 адам тіркелді, деп хабарлады шұғыл штабы.
"Нұр-Сұлтан қаласында – 3, Алматы қаласында – 10, Алматы облысы – 1, Қызылорда облысы – 1 науқас тіркелді", - деп жазылған хабарламада.
Елімізде коронавирус инфекциясын жұқтырған жалпы 1290 адам анықталды.
Алматы қаласы – 380, Нұр-Сұлтан қаласы – 297, Қызылорда облысы – 127, Қарағанды облысы – 81, Ақмола облысы – 80, Атырау облысы – 70, Түркістан облысы – 49, Жамбыл облысы – 49, Шымкент қаласы – 40, Солтүстік Қазақстан облысы – 26, Алматы облысы – 25, Батыс Қазақстан облысы – 18, Ақтөбе облысы – 13, Павлодар облысы – 11, Маңғыстау облысы – 11, Шығыс Қазақстан облысы – 8, Қостанай облысы – 5.
Індеттен елімізде 15 адам көз жұмды.