НҰР-СҰЛТАН, 8 сәуір — Sputnik. Ресей президенті Владимир Путин губернаторлармен өткізген жиын алдында Ресей халқына үндеу жолдады. Ол медицина қызметкерлерінің жалақысы айына 25-80 мың рубльге артатынын айтты.
"Сәуірден бастап үш ай бойы коронавирус жұқтырған науқастармен жұмыс істейтін мамандарға арнайы федералды төлем берілетін болады", - деді ол.
Сондай-ақ, көрші елде дәрігер, медбике, медицина қызметкерлеріне қосымша төлем жасау қарастырылған. Бұл үшін федералды бюджеттен 10 миллиард теңге бөлген.
Мұнымен қоса, пандемияға байланысты жұмысынан айырылғандарға жәрдемақы төленеді. Бұл жәрдемақыны рәсімдеу тәртібін барынша оңай ету тапсырылып отыр. Қашықтықтан жасалады.
Ресейде 8 672 адам коронавирус жұқтырып, 58 адам көз жұмған. Ал Қазақстанда соңғы мәліметке сәйкес, 709 адамда індет расталды. Жеті адам қайтыс болды, 54 адам айықты.