НҰР-СҰЛТАН, 20 наурыз – Sputnik. Елімізде медициналық бетперде шығару көлемі бір миллионға дейін ұлғайтылады. Бұл туралы премьер -министрдің орынбасары Ералы Тоғжанов мәлімдеді, деп хабарлайды Sputnik Қазақстан тілшісі.
"Халық арасында медициналық маска тапшылығы қызу талқылануда. Үкімет басшылығы өндіріс көлемін ұлғайту бойынша отандық өндірушілермен күн сайын жұмыс жүргізіп жатыр. Егер бүгінде елімізде күн сайын 360 мың маска шығарылса, алдағы уақытта тәулігіне 1 миллион шығару міндеті тұр. Біз бұған қол жеткіземіз", - деп сендірді Тоғжанов үкіметте өткен брифингте.
Айта кетсек, 360 мың бетперденің 171 мыңы бірнеше мәрте пайдалануға жарайды.
Қазіргі уақытта елде 49 адам коронавирус жұқтырды. Оның 25-і - астанада, 22-сі - Алматыда және екі адам Қарағандыда тіркелді.