НҰР-СҰЛТАН, 15 наурыз — Sputnik. Қазақстанның сауда және интеграция министрлігі енгізілген төтенше жағдай режимінде азық-түлік дүкендері мен базарлар жұмыс істейтінін хабарлады.
"Төтенше жағдай кезінде азық-түлік дүкендері мен базарлар жұмыс істейді. Сауда ойын-сауық орталықтарындағы азық-түлік маркеттеріне байланысты қалалық әкімдік шешім қабылдап жатыр. Астанада, мәселен, "Артем" сынды ғимараттарда шектеу енгізілуі мүмкін. Тек бірінші қабаттағы азық-түлік саудасына ғана шектеу қойылмайды", - деді министрліктің баспасөз қызметі.
Бұған дейін Ақорданың баспасөз қызметі елде 16 наурыз бен 15 сәуір аралығында төтенше жағдай режимі енгізілетінін хабарлаған болатын.
Төтенше жағдай кезінде ірі сауда нысандарының жұмысына шектеу қойылды. Сауда ойын-сауық орталығы, кинотеатр, театр, көрме және өзге де көп адам шоғырланатын нысандардың жұмысы уақытша тоқтатылды.
Тағы оқыңыз: Тоқаев телеарна арқылы үндеу жасайды