НҰР-СҰЛТАН, 24 ақпан — Sputnik. Ақтау қаласында дабыл қағылады, деп хабарлады Lada.kz.
"25 ақпан күні сағат 10:00-да электрсиренасын іске қосу арқылы, қала бойынша дабыл қағу жоспарланған. Сондықтан да азаматтарды сабыр сақтап, алаңдамауға шақырамыз", - делінген Маңғыстау облыстық төтенше жағдайлар департаментінің баспасөз мәлімдемесінде.
Alau.kz порталының хабарлауынша, Қостанай облысында да "Көктем–2020" командалық-штабтық жаттығуы өтіп, дабыл қағылады.
Айта кетсек, "Көктем–2020" командалық-штабтық жаттығуы аясында мемлекеттік басқару органдары мен азаматтық қорғаныс жүйесі күштерінің көктемгі су тасқыны мен өзге де төтенше жағдайларға дайындығы пысықталады.