Қақтығыстан кейінгі Масанчи ауылы – оқиға орнынан суреттер

7 ақпан күні 19:00-де Жамбыл облысы Қордай ауданы Масанчи ауылының шетінде 70-ке тарта тұрғын төбелескен. Оқиға орнына полицейлер келді. Қақтығысқа көрші елді мекендерден тағы үш жүзге жуық адам келіп қосылған.

Екі жақ бір-біріне тас лақтырып, таяқпен ұрған. Тіпті, қару да қолданған.

Тағы оқыңыз: Қордайдағы қақтығыс: Сапарбаев Қырғызстанға қашқандарға үндеу жасады

Алдын ала мәлімет бойынша, тәртіпсіздіктер кезінде 25 жер үй, 31 коммерциялық нысан және 41 автокөлік өртеніп, зақымданған. Сондай-ақ, 10 адамның көз жұмғаны белгілі.

Масанчидің қазіргі көрінісі көңілге қаяу ұялатады – ауыл қираған. Айнала – өртенген үйлер мен дүкендер, иесіз көліктер.

Оқиға орнынан түсірілген суреттерді Sputnik Қазақстан фотолентасынан көріңіздер.

1 / 18

7 ақпан күні Жамбыл облысы Қордай ауданында жаппай төбелес болды. Оның арты тәртіпсіздіктерге ұласып, салдарынан Масанчи мен Сартөбе ауылдары қирады. Зәресі ұшқан ауыл тұрғындары Қырғызстанға қашуға мәжбүр болды.

2 / 18

Sputnik Қазақстан тілшісі жантүршігерлік көріністерді суретке түсіріп алды. Ауылдың әр жерінен иесіз қалған көліктер, жанып кеткен үйлер мен дүкендер көрінеді.

3 / 18

Қордай ауданының бірқатар елді мекенінде жергілікті тұрғындар арасында қақтығыс 7 ақпан күндіз басталып, 8 ақпан түнге дейін жалғасты.

4 / 18

ІІМ жаппай тәртіпсіздіктерге жолдағы жанжал себеп болғанын мәлімдеді.

5 / 18

Әлеуметтік желілерде тараған видеолар мен хабарламалар жанжалды өршітіп жіберген.

6 / 18

Қазір ІІМ арандатушылық ақпараттарды кім таратқанын анықтап жатыр.

7 / 18

Денсаулық сақтау министрлігінің мәліметінше, Қордай ауданында қақтығыс салдарынан 10 адам көз жұмды.

8 / 18

Қақтығыстан кейін жергілікті тұрғындар Масанчи мен Сортөбе ауылынан қашты, үйлерде жарық жоқ.

9 / 18

Жаппай тәртіпсіздіктер барысында 30-дан астам жер үй өртенді.

10 / 18

15 сауда нысаны мен 23 автокөлік жанып кетті.

11 / 18

Қазіргі таңда 10 адамның көз жұмғаны белгілі.

12 / 18

ІІМ ақпаратынша, полицияның бес қызметкері жарақат алды, құқық қорғаушылар қару қолданбаған.

13 / 18

Ашу-ызаға толы жастар полицейлердің талабына бағынбай, оларға қарсы күш қолданған, деп хабарлады ІІМ-нен.

14 / 18

Жанжал көрші екі ауылға ұласып, нысандарға әдейі өрт қойылған.

15 / 18

165 адам медициналық көмекке жүгінді, олардың 25-і Қырғызстанда.

16 / 18

Қазір жағдай тұрақталды, 47 адам ұсталды, олардан екі аңшылық қару тәркіленді.

17 / 18

"Жаппай тәртіпсіздіктерге қатысу" және "Адам өлтіру" баптары бойынша сотқа дейінгі тергеу жүріп жатыр.

18 / 18

Қаза болғандар мен зардап шеккендердің отбасыларына қажетті көмек көрсетіледі. Билік барлық үй мен нысандарды қалпына келтіруге, шығынды өтеуге уәде берді.