АЛМАТЫ. 5 ақпан – Sputnik. Ақтауда кәріз құдығынан ер адамның денесі табылды. Мәйітті коммуналдық қызметкер көріп қалған, деп жазды Lada басылымы.
Бұқаралық ақпарат құралының хабарлауынша, оқиға "Жігер" сауда орталығының маңында болған.
Куәгерлер ер адамның денесі қайнаған суда жатқанын айтты. Оны алып шығу үшін суды ағызу керек болды.
Оқиға орнында сот-медициналық сараптама мамандары жұмыс істеп жатыр. Интернетте мәйітті құдықтан кранмен шығарып жатқан видео пайда болды. Қайтыс болған адамның кім екені әлі анықталған жоқ.