НҰР-СҰЛТАН, 31 қаңтар – Sputnik. Сыбайлас жемқорлыққа қарсы іс-қимыл агенттігінің төрағасы Алик Шпекбаев білім бағдарламасына жаңа пән енгізуді ұсынды, деп хабарлайды Sputnik Қазақстан тілшісі.
Бүгін агенттіктің кеңейтілген алқа мәжілісінде мекеме басшысы өткен жылдың қорытындысын жасап, алдағы мақсат-міндеттерге тоқталды. Осы орайда Шпекбаев жеморлықтың зиянын түсіндіру және адал қоғамды қалыптастыру шараларына баса назар аударды.
"Мәселен, Transparency Kazakhstan-ның қолдауымен жеморлыққа қарсы жазғы мектептер тұрақты түрде жұмыс істей бастады. Бүгінде ол мектептердің саны 4 мыңға жуықтады", - дейді Шпекбаев.
Бұдан бөлек, оның айтуынша, тоқсан сайын "Адалдық сағаты" республикалық акциясы ұйымдастырылады.
Оқи отырыңыз: Қазақстан мектептерінде 1 қыркүйектен жаңа пән оқытыла бастайды
"Инфрақұрылым да жасалып жатыр. Адалдық дүкендері мен киоскілері ашылуда. Барлық оқу орнында "Адалдық негіздері" деген міндетті пән енгізетін уақыт келді деп ойлаймын", - деп түйіндеді Шпекбаев.
Оның пікірінше, жаңа пән енгізудің арқасында білім мекемелерінде тәрбие жұмыстары күшейеді.