НҰР-СҰЛТАН, 26 қаңтар – Sputnik. Канаданың Монреаль қаласында отандасымыз Батыр Жүкембаев (17-0, 13 КО) пен мексикалық боксшы Рикардо Лара (22-7, 10 КО) арасында жекпе-жек өтті, деп хабарлайды Sports.kz.
Бұл кездесу ұзаққа созылмады. Жүкембаев екінші раундта қарсыласын нокаутқа түсірді. Қазақстан боксшысының шеберлігін, жекпе-жектің қаншалықты тартысты өткенін видеодан да көруге болады.
Осылайша, еліміздің былғары қолғап шебері кәсіби карьерасында 18-ші рет жеңіске жетіп, бірде-бір рет жеңіліп көрмеді. Рикардо Лара болса, сегізінші мәрте жеңіліс тапты.