Мәдениет

Империялық орыс балеті Нұр-Сұлтанға гастрольмен келеді

Гастроль атақты театрдың 25-жылдық мерейтойына орайластырылған. Әртістер "Щелкунчик" балетін сахналайды
Sputnik

НҰР-СҰЛТАН, 28 қараша – Sputnik. Мереке күндері қарсаңында елорда тұрғындары мен қонақтары Империялық орыс балеті әртістерінің өнерін тамашалай алады.

14-15 желтоқсанда мәскеулік өнерпаздар Nomad City Hall сахнасында "Щелкунчик" спектаклін қояды.

Мәліметке сәйкес, театр труппасы Қазақстан астанасына толық құраммен келеді. Бүкіл әлемге танымал әртістер ерекше костюмдері, декорациялары және қимыл-қозғалыстарымен қуантпақ.

Империялық орыс балеті Нұр-Сұлтанға гастрольмен келеді

Бұл қойылымдар Ресей Федерациясының Қазақстандағы елшілігінің қолдауымен көрермен назарына ұсынылады. Спектакльдер "Империялық орыс балетіне 25 жыл" атты меретойлық әлемдік турының бір бөлігі саналады. Гастроль Испания, Бразилия, Қытай, Санкт-Петербург, Болгария, Беларусь, Австралия, Жаңа Зеландия мен Қазақстанға сапарларды қамтиды.

Империялық орыс балетінің тарихы

Империялық орыс балетін құру идеясы 25 жыл бұрын Майя Плисецкаяның Жапониядағы мерейтойылық концерттерін өткізу кезінде пайда болған.

Бүгінгі күні ұжым әлемдік балет жұлдыздарымен әріптестік орнатқан. Гастрольге жиі шығады, дүние жүзінің үздік сахналарында өнер көрсетіп келеді.