НҰР-СҰЛТАН, 17 қараша — Sputnik. Белгілі франциялық актер Венсан Кассель әйелі Тина Кунакиге деген сезімін орыс тілінде жеткізді.
Модель өзінің Instagram аккаунтында ELLE Russia журналының желтоқсан айындағы нөмірінің суретін жариялаған. Актер осы суреттің астына жазба қалдырды.
Кассель "мен сені сүйемін" дегенді орыс тілінде жазған. Фотоның астындағы актердің бұл пікірі 3 мыңнан астам адамға ұнады.
Ресейдегі әлеуметтік желі қолданушылары жұлдызды жұпты жарыса елдеріне шақырып жатыр.
Венсан Кассель мен Тина Кунаки 2016 жылдан бері бірге. Екі жылдан соң заңды некеге тұрды.Кассель өзінің жарынан 30 жасқа үлкен.
2019 жылы олардың Амазони есімді қызы дүниеге келді.