НҰР-СҰЛТАН, 11 қараша – Sputnik. Қазақстанның Тұңғыш президенті Ресей Федерациясының президенті Владимир Путинмен телефон арқылы сөйлесті.
Әңгіме барысында тараптар Санкт-Петербургте өтетін Жоғары Еуразиялық экономикалық кеңес отырысына дайындық барысын талқылады, деп хабарлады Елбасының баспасөз қызметі.
Сондай-ақ, Нұрсұлтан Назарбаев пен Владимир Путин өңірлік және халықаралық күн тәртібіндегі өзекті мәселелер бойынша пікір алмасты.
Тағы оқыңыз: Лукашенко Тоқаевтың саясаты қандай екенін айтты
Айта кетейік, бұған дейін Беларусь басшысы Александр Лукашенко Қазақстанға сапары кезінде Назарбаев интеграциялық бірлестіктерді нығайтуда қандай маңызды рөл атқарғанын атап өткен болатын.
"Сізді Жоғары Еуразиялық экономикалық кеңестің құрметті төрағасы ретінде Санкт-Петербургтегі Кеңес отырысына қатысуға шақыру туралы жалпы ұсыныс келіп түсті, онда біз болашақ перспективаларды талқылаймыз", - деді Александр Лукашенко.
Жоғары Еуразиялық экономикалық кеңестің келесі отырысы желтоқсанда Санкт-Петербургте өтеді.