НҰР-СҰЛТАН, 18 қазан — Sputnik. Facebook Russia Beyond-тың тағам рецепті жарияланатын парақшасын өшіріп тастады. Бұл туралы жоба редакторы Всеволод Пуля хабарлады.
"Facebook біздің Russian Kitchen атты парақшамызды жойып жіберді. Қырық мың оқырманымыз болатын", — деп жазды ол әлеуметтік желіде.
Оның айтуынша, парақша әкімшілерінің бәріне "сторис" көрсету шектелгені туралы хабарлама келген. Алайда бұл парақшада "сторис" мүлдем жасалмаған.
Тағы оқыңыз: Дженнифер Энистонның "Достарымен" түскен селфиі Instagram-ды істен шығарды
Бір-екі күннен кейін парақшада әкімшілерінің тұратын елі көрсетілетіні хабарланыпты. Тағы бір күннен соң, жарияланым өшірілген. Кейін парақша мүлдем жойылып кетті.