ПАВЛОДАР, 17 қыркүйек – Sputnik. Павлодарда кәріз жүйесін жөндеп жатқан коммуналдық қызмет жұмысшысы қаза тапты, деп хабарлады өңірдің полиция департаменті Sputnik Қазақстанға.
Қайғылы оқиға 11.00 кезінде 1 мая және Ломов көшелерінің қиылысында болған. Марқұмның әріптестері хабарлағандай, жұмыс кезінде қатты қысымнан құбыр жарылып, кәріз суының қатты ағыны 22 жастағы жұмысшыны алып кетіпті.
Тағы оқыңыз: Алматыда коммуналдық қызметте істейтін жұмысшы көлік астына түсті
Басқа жұмысшылар жігітті ес-түссіз күйінде алып шығып, тез арада жедел жәрдем шақырады. Оған алғашқы көмек көрсетілгенімен, Ақсу қаласының тумасы сол жерде жан тапсырды.
Полиция оқиғаның мән-жайын тексеріп жатыр.