НҰР-СҰЛТАН, 16 қыркүйек – Sputnik. Алматы облысында 16 қыркүйекке қараған түні ірі жол апаты болып, жеті адам ажал құшты, деп хабарлайды Sputnik Қазақстан.
Облыстық полиция департаментінің ақпаратынша, қайғылы оқиға Алматы-Текелі тас жолының 26-шы шақырымында болған. Екі Audi соқтығысып, біреуі қарсы бетке шығып кетті.
Оқиға орнында алты адам, соның ішінде екі жүргізуші көз жұмды. Тағы үшеуі Текелі қаласының ауруханасына жеткізілді. Кейін біреуі жан тапсырды.
Бұл фактіге қатысты Қылмыстық кодекстің 345-бабы (Жол қозғалысы ережесін бұзу) бойынша сотқа дейінгі тергеу басталды.