НҰР-СҰЛТАН, 6 қыркүйек — Sputnik. Алматыдағы "Мезам" базарында қойма өртенді, деп хабарлады ТЖ комитетінің баспасөз қызметі.
Куәгерлер оқиғаның видеосын әлеуметтік желілерде жариялап жатыр – қою қара түтін бірнеше ондаған метрге көтерілді.
Ведомствоның мәліметінше, ірі өрт туралы хабарлама 13.45-те түскен.
Өрт металл-пластик бұйымдарды сақтайтын жеке тұрған қоймадан басталған.
"Өрттің жақын орналасқан қоймаларға таралу қаупі бар", - деп атап өтті ТЖК.
Өртті сөндіруге 43 адам мен 12 техника жұмылдырылды.
Сондай-ақ өртті сөндіруге автопойыз аттанды, қосымша суарып жуатын машиналар жіберілді.
Полиция базар аумағын қоршауға алды. ТЖК мәлімдегендей, тәртіп сақшылары қоймалардағы тауарларды күзетеді.
Кейінірек өртті сөндіруге екі тікұшақ – Қазавиақұтқарудың Ка-32 және Алматы қаласы құтқару қызметінің Ми-8 тікұшағы тартылғаны белгілі болды.