НҰР-СҰЛТАН, 23 тамыз - Sputnik. Дағыстандағы Кулецма ауылы басшысының орынбасары зейнетақы алу үшін жасын ұлғайтып алған. Бұл туралы Левашин ауданының прокуратурасы хабарлады, деп жазады РИА Новости.
Полиция мәліметіне сүйенсек, 30 жастағы ер адам 34 жасқа "қартайып", 1985-1996 жылдары ұжымдық шаруашылықта істеді деп жазылған жалған еңбек кітапшасын сатып алады.
Тағы оқыңыз: Мемлекет ақшасына достарына дастарқан жайған министр жұмысынан айырылды
Былтыр жыл басында ол еңбек зейнетақысын тағайындау туралы өтініш жазып, алаяқтық жолмен 155 мың рубльден астам (900 мың теңгеден астам) қаражат алған.
Қазір шенеунікке қатысты алаяқтық туралы бапқа сәйкес қылмыстық іс қозғалды. Жалған құжат берген орган қызметкерлері қызметтік өкілеттігін асыра пайдаланды және жалған әрекетке барды деп айыпталған.