НҰР-СҰЛТАН, 10 тамыз – Sputnik. Әлемге әйгілі қазақстандық әнші Димаш Құдайберген тыңдармандарын Санкт-Петербургте өтетін жеке концертіне шақырды, деп хабарлайды Sputnik Қазақстан.
Шоу 29 қарашада Санкт-Петербургтегі Мұз сарайында өтеді.
"Сіздерге 29 қараша күні Ресейдің мәдени астанасы Санкт-Петербург қаласында менің алғашқы үлкен жеке концертім өтетінін қуана хабарлаймын", - деді Димаш өзінің бейнеүндеуінде.
29 маусымда Нұр-Сұлтан қаласындағы "Астана Арена" стадионында Димаш Құдайбергеннің "Арнау" атты ән кеші өткен болатын. Сол кезде Қазақстан астанасына әлемнің түкпір-түкпірінен әртістің фанаттары келді.
Тағы оқыңыз: Димаштың ұстазы шәкіртіне қандай кеңес бергенін айтты
26 қазанда қазақстандық әнші Нью-Йоркте Игорь Крутойдың 65 жылдығы құрметіне өтетін кеште өнер көрсетеді. Ал 29 қарашада 12 мың тыңдарманын Санкт-Петербургте үлкен концертімен қуантады.