НҰР-СҰЛТАН, 17 шілде – Sputnik. Білім және ғылым министрі Асхат Аймағамбетов "Педагог мәртебесі туралы" заң жобасын депутаттардың қарауына енгізу мерзімін нақтылады, деп хабарлайды Sputnik Қазақстан тілшісі.
"Қазір біз "Педагог мәртебесі туралы" заңды дайындап жатырмыз. Оны өздеріңіз білесіздер, министрлік бұл заңды бір жыл бойы жан-жақты талқылады, сондықтан қыркүйекке дейін біз бұл заң жобасын мәжіліске кіргізуіміз керек. Сол себепті нақты шешімдер болғаннан кейін барлығын білетін боласыздар", - деді Аймағамбетов Sputnik Қазақстан тілшісі берген сұхбатында.
Айта кетесек, президент Қасым-Жомарт Тоқаев ұстаздардың мәртебесіне қатысты заңды жылдың соңына дейін қабылдауды тапсырды.
Тағы оқыңыз: Білім министрі қандай шешімі үшін өкінбейтінін айтты
Үкіметтің кеңейтілген отырысында мемлекет басшысы мұғалімдер осы заңның игілігін, пайдасын сезінуі тиіс екенін атап өтті. Сонымен бірге президенттің айтуынша, ұстаздар білім саласымен қатар ғылым саласына да тиісті көңіл бөлуі керек.