НҰР-СҰЛТАН, 16 шілде — Sputnik. Шымкент тұрғынын ақаулы қуаттау құрылғысынан тоқ соқты, жас жігіт сол жерде жан тапсырды.
Трагедия 15 шілдеде болған.
"Шымкентте Еңбекші ауданының Сайрам ауылынан сағат 02.30-да хабарлама түсті. Абдуллабад көшесіндегі жеке тұрғын үйде телефоннан қуаттау құрылғысын алу кезінде 1996 жылы туған азаматты тоқ соғып, сол жерде көз жұмған", - деп хабарлады облыстық ТЖ департаменті.
Мұндай жағдай биылдыққа алғаш рет тіркеліп отыр. Өткен жылы Шымкентте тоқ соққан төрт адам қайтыс болды, олардың екеуі 2004 және 2009 жылы дүниеге келген, деп хабарлады Otyrar.kz.
Тағы оқыңыз: Ақмола облысындағы сенбілік кезінде 14 жастағы оқушы мерт болды
Ведомство сондай-ақ электрмен жұмыс істеу кезінде қауіпсіздік ережесін сақтау қажеттігін еске салды.