Елордада дөнерхана өртенді – видео  

НҰР-СҰЛТАН, 10 шілде — Sputnik. Нұр-Сұлтанда тағы бір ірі өрт болды.  

Бүгін сағат 17:39-де құтқарушыларға Қосшығұлұлы көшесіндегі дөнерхана өртенгені туралы ақпарат түсті, деп хабарлады ІІМ төтенше жағдайлар комитеті.

Өрт сағат 17:58-де ауыздықталып, 18:02-де сөндірілді. Жалын 70 шаршы метр аумаққа шарпығаны хабарланды.

Қаза тапқандар мен зардап шеккендер жоқ. Өрттің себебі анықталып жатыр. 

Өртті сөндіруге он адам мен екі техника жұмылдырылды.

Дөнерхана елорданың оң жағалауында халық тығыз қоныстанған ауданда орналасқан.