НҰР-СҰЛТАН, 8 шілде — Sputnik. Алматыдағы Абай және Өтеген батыр көшелерінің қиылысында ірі жол апаты болды, деп хабарлайды құқық қорғау органдары Sputnik Қазақстанға.
Peugeot Абай көшесімен келе жатқанда, жүргізуші ұйықтап кетіп, қиылыстан өткен соң, жол шетінде тұрған көліктерге соғылған.
Audi 100, Nissan Teana, Nissan Cefiro, Toyota Land Cruiser Prado көліктері оның "құрбаны" болды. Соңғысы өз кезегінде алдында тұрған Chevrolet көлігін қағыпты.
Audi, Nissan Teana және Nissan Cefiro соққыдан кейін бордюрге шығып, арыққа түсіп кетті.
Peugeot жүргізушісі зардап шекті, бірақ ауруханаға жатудан бас тартты.