Қазақстанның түкпір-түкпірінде сайлаушылардың дауысы саналып жатыр – фото, видео

НҰР-СҰЛТАН, 9 маусым — Sputnik. Қазақстанда президент сайлауы аяқталды. Сағат 20.00-де еліміздің түкпір-түкпірінде сайлау учаскелері жабылды.

Орталық сайлау комиссиясының мәліметі бойынша, қазақстандықтардың 77,4%-і президент сайлауында дауыс берген.

Елордалық сайлау учаскелеріне Қазақстан президенттігіне жеті кандидат пен Елбасы Нұрсұлтан Назарбаев келіп, дауыс беруге қатысты.

Атап өтсек, Қазақстанда алдыңғы президент сайлауы да кезектен тыс өткен болатын. Ол 2015 жылдың 26 сәуірінде болды. Тұңғыш президент Нұрсұлтан Назарбаев сайлаушылардың 97,75% дауысын иеленген еді.

Дауыс берудің алдын-ала қорытындысы (Exit Poll) түнгі сағат он екіде белгілі болады.