НҰР-СҰЛТАН, 31 мамыр — Sputnik. Ішкі істер министрлігі елдімекен ішінде автобустардың жылдамдығын сағатына 50 шақырымға дейін азайтуды ұсынды.
Ведомство Индустрия және инфрақұрылымдық даму министрлігімен бірге жол картасы жобасын әзірледі. Ескі автобустардың санын азайту көзделіп отыр. Елімізде мұндай 90 мыңнан астам көлік бар.
Тағы оқыңыз: Бір күн бойы қоғамдық көлікпен тегін жүруге болады
"Сондай-ақ, елдімекендерде автобустардың жылдамдығын сағатына 50, ал қала сыртында 80 шақырымға дейін азайту ұсынылып отыр", - деді әкімшілік полиция комитетінің төрағасы Мақсат Байболов брифинг барысында.
Оның айтуынша, қазір автобустардың ең жоғары жылдамдығы сағатына 60 шақырым, ал қала сыртында сағатына 90 километр.
Сондай-ақ, ІІМ автобус жүргізушілеріне қойылатын талапты күшейтетін болады. Көліктің қайта жабдықталуына да тыйым салынбақ. Бұл ұсыныс жұртшылықпен талқыланатын болады.
Тағы оқыңыз: Алматыда Lexus жүргізушісі жаяу жүргіншілерді қағып кетті
Өткен жылы астанада Bus Lane жолақтарындағы жылдамдыққа шектеу қойылған болатын. Автобусқа арналған жолдың кейбір учаскелерінде жылдамдық шектеуі сағатына 40 километр.
Осы жылдың қаңтар айынан бастап Алматыдағы Әл-Фараби, Саин көшелері мен шығыс айналма жолда көлік жылдамдығы сағатына 80 шақырымнан 60-қа дейін азайтылды.