НҰР-СҰЛТАН, 4 мамыр – Sputnik. Мексикалық боксшы Сауль "Канело" Альварес (51-1-2, 34 КО) пен америкалық Дэниэл Джейкобс (35-2, 29 КО) салмақ өлшегеннен соң болатын дәстүрлі "көз түйістіру" рәсімінде төбелесіп қалды, деп хабарлайды Sports.kz.
Көз түйістіріп тұрған қос боксшы кенет бір-бірін итеріп, жанжалдаса бастағанда, екі команда мүшелері мен ұйымдастырушылар былғары қолғап шеберлерін тез арада ажыратып үлгерді. Сонда да "Канело" мен Джейкобс біраз уақыт сабасына түсе алмай, қайта-қайта ұмтылып, айбат шегумен болды.
Тағы оқыңыз: Головкин бапкерін ауыстырып, атын да "өзгертіп" жіберді
Оқиғаның видеосы әлеуметтік желіде тарап кеткен.
Еске сала кетсек, "Канело" мен Джейкобстың жекпе-жегі 5 мамыр күні Лас-Вегастағы T-Mobile Arena шаршы алаңында өтеді. Боксшылар үш чемпиондық титулға таласпақ — WBA Super, WBC және IBF.
Тағы оқыңыз: Геннадий Головкин туралы қызықты деректер: спорттық мансабы, отбасы, әлеуметтік желідегі парақшалары