АЛМАТЫ, 29 сәуір - Sputnik. Ақтаудағы сауналардың бірінен жезөкшелер ордасы анықталып, бір топ қыз-келіншек ұсталды, деп хабарлайды Маңғыстау облыстық полиция департаментінің баспасөз қызметі.
Жезөкшелер ордасын полицейлер газеттегі астыртын жарнама арқылы анықтайды. Ол араға полиция қызметкерлері тұтынушы ретінде барған.
"Шамамен түнгі 12-де ақшаға интим қызметін көрсеткен 12 қыз-келіншек пен оларды тасымалдаушы 3 жүргізуші ұсталды. Ұсталған 12 әйелдің екеуі Өзбекстан азаматы болып шықты, қалғаны жергілікті тұрғындар. Олардың барлығы тіркеуге алынып, есепке қойылды", - дейді департаменттің баспасөз қызметі.
Заңсыз бизнесті ұйымдастырушыларға қатысты қылмыстық іс қозғалды, деп хабарлады жергілікті Тумба басылымы.