НҰР-СҰЛТАН, 11 сәуір — Sputnik. Қазақстан президенті Қасым-Жомарт Тоқаев жұмыс сапарымен Ақтау қаласына барды. Бұл туралы мемлекет басшысының баспасөз хатшысы Берік Уәли хабарлады.
"Сапар барысында бірқатар әлеуметтік нысандарды аралап көру, теңіз сауда портының жұмысымен танысу, сондай-ақ, Маңғыстау облысының жұртшылығымен кездесу жоспарланып отыр", - деп жазды ол фейсбуктегі парақшасында.
Айта кетейік, Қазақстан президенті Қасым-Жомарт Тоқаев алғашқы жұмыс сапарын қасиетті Түркістаннан бастаған болатын. Сапар барысында Тоқаев облыс орталығының құрылысымен танысып, бірқатар өндірістік және әлеуметтік нысандарды аралап, өңірдің жұртшылық өкілдерімен кездесті.