АСТАНА, 22 наурыз – Sputnik. Атырау тұрғындары Жайық өзенінің жағасына жиналып, жас полицей қаза тапқан орынға гүл шоқтарын қойды, деп хабарлайды өңірлік коммуникациялар қызметі.
Көпірден секірген әйелді Ақымғалиевтің әріптесі Рүстембек Сүндетов құтқарды.
Бүгін облыс тұрғындары таңғы сағат он шамасында Жайық өзенінің жағасына жиналып, ерлікпен қаза тапқан полицейді еске алды. Олардың арасында марқұмның әріптестері, туған-туыстары, достары бар. Жиналғандар қайғылы оқиға болған орынға гүл шоқтарын қойды.
Тағы оқыңыз: Отқа оранған үйдің 3-қабатынан әйел сәбиін лақтырды: сол кезде таңғажайып оқиға болған
Атырау облысының әкімі Нұрлан Ноғаев пен облыстық полиция департаментінің басшылығы қаза болған полицейдің отбасына көңіл айтты.
Белгілі болғандай, Шалқар Ақымғалиев көпбалалы отбасынан шыққан. Үйленбеген екен. Отбасын жалғыз өзі асырап отырған. Құқық қорғау органдарында бес жыл қызмет еткен.