"Тағдырыма ризамын": Нұрсұлтан Назарбаев жайлы не білеміз? - фото

Нұрсұлтан Назарбаев 1989 жылы Қазақстан коммунистік партиясы орталық комитетінің бірінші хатшысы қызметіне кірісті. 1991 жылы Қазақстанда алғашқы жалпыхалықтық президент сайлауы өтіп, Назарбаев жеңіске жетті. Бұдан кейінгі сайлау 1999, 2005, 2011 және 2015 жылы болды. Фотода: Нұрсұлтан Назарбаевтың 1991 жылдың 1 желтоқсанындағы алғашқы жалпыхалықтық президент сайлауының қорытындысын атап өту сәті.

Қазақстанның тұңғыш президенті, биыл 79 жасқа толатын Нұрсұлтан Назарбаев. Фотода: 2015 жылы президенттік сайлаудан кейінгі Нұрсұлтан Назарбаев.

Елбасы 1940 жылы 6 шілдеде Алматы облысының Қаскелең ауданындағы Шамалған ауылында дүниеге келді. Еңбек жолын 1960 жылы Қарағанды облысы Теміртау қаласындағы "Қазметаллургстрой" тресінде қарапайым жұмысшы болып бастады. Өзінің бір сұхбатында Нұрсұлтан Назарбаев: "Егер сен оны жақсы көрсең, кез келген мамандық бақытқа айналады. Үш сәті бар. Жинақы болу қажет және жұмыс істеп, өз жұмысыңнан қанағат, ләззат алу керек. Егер дәл осындай көңіл күймен жұмысыңа, меніңше, кез келген жұмысқа баратын болсаң қанағаттанасың", - деп айтқан болатын.

Алғашқы жалпыхалықтық президенттік сайлауда Назарбаев сайлаушылардың 98,7% қолдауына ие болды.

Байқоңыр - алғашқы жасанды жерсерігі ұшырылған ғарыш айлағы. Байқоңырдан адамзат тарихында тұңғыш рет Юрий Гагарин ғарышқа аттанды. КСРО ыдыраған соң ғарыш айлағы Қазақстан меншігіне көшті. 1994 жылы Байқоңырды жалға беру жөніндегі екіжақты келісімге қол қойды. 2004 жылы оның қолдану мерзімі 2050 жылға дейін ұзартылды. Фотода: Нұрсұлтан Назарбаевтың (ортада) "Союз ТМ-19" ғарыш кемесі экипажын құттықтау сәті, 1994 жыл.

Нұрсұлтан Назарбаевты Астананың бас сәулетшісі деп атайды. Ол елорданың көрікті нысандарының жобаларын өзі таңдады. Фотода: Елорда күнінде Нұрсұлтан Назарбаевтың жөндеуден өткен Бәйтерек ғимаратына баруы, 2017 жыл.

"ЭКСПО-2017" халықаралық мамандандырылған көрмесінің Астанада өтуі елорданың дамуына тың серпін берді. Қысқа мерзімде бірқатар жаңа нысан бой көтерді. Фотода: Нұрсұлтан Назарбаев ЭКСПО нысандары құрылысын бақылауға барған сәті, 2016 жыл.

1991 жылы 29 тамызда Нұрсұлтан Назарбаев әлемдегі ең ірі ядролық сынақ полигонын жабу туралы жарлық қабылдады. Қазақстан – мұндай шешім қабылдаған тұңғыш мемлекет. Еліміздің бастамасымен 2009 жылдың 29 тамызынан бастап Ядролық сынаққа қарсы күрес күні аталады. Фотода: Назарбаев Семей ядролық полигонында.

Нұрсұлтан Назарбаев алғашқылардың бірі болып еуразиялық интеграция мәселесін көтерді. ЕАЭО құру – ұйымға қатысушы елдердің экономикалық дамуы жолындағы маңызды қадам. Фотода (солдан оңға): Серж Саргсян, Александр Лукашенко, Нұрсұлтан Назарбаев, Владимир Путин, Алмазбек Атамбаев. Жоғарғы еуразиялық экономикалық кеңеске қатысушы мемлекет басшыларының фотоға түсуі, 2015 жыл.

2010 жылы Астанада ОБСЕ-нің тарихи саммиті өтті. Мұндай ауқымды кездесу Орталық Азия елінде тұңғыш рет ұйымдастырылды. Фотода: Нұрсұлтан Назарбаев пен БҰҰ Бас хатшысы Пан Ги Мун (солдан оңға қарай), 1 желтоқсан 2010 жыл.

Нұрсұлтан Назарбаевтың 32 тілдегі 141 еңбегі ҚР Тұңғыш президенті музейінің кітапхана қорында сақтаулы. Фотода: Нұрсұлтан Назарбаевтың өз кітабына қолтаңба қою сәті, 1991 жыл.

Нұрсұлтан Назарбаев тау шаңғысына 55 жасында тұрды. Ол теннис, салт атпен жүру және гольфпен шұғылданады. Фотода (солдан оңға қарай): Владимир Путин мен Нұрсұлтан Назарбаев "Шымбұлақ" тау-шаңғы демалыс орнында, 2002 жыл .

Қазақстандықтар Нұрсұлтан Назарбаевтың отбасымен түскен бейресми суреттеріне қызығушылық танытады. Фотода: ҚР Президенті Нұрсұлтан Назарбаев немерелерімен бірге, 1993 жыл. Репродукция.

Нұрсұлтан Назарбаев домбырада шебер ойнайды. "Шұбарат", "Жерім менің", "Үшқоңыр" және "Елім менің" әндерінің авторы. 2018 жылдан бері Қазақстанда жаңа мереке – Ұлттық домбыра күні аталып өтеді. Фотода: домбыра тартып отырған Нұрсұлтан Назарбаев.

Нұрсұлтан Назарбаев мәдениет пен спорттың дамуына ерекше көңіл бөлді. Қоғам қайраткерлерімен кездесіп, мемлекеттік сыйлық тағайындады. Фотода: Нұрсұлтан Назарбаевтың "Анаға апарар жол" фильмінің продюсері Әлия Назарбаеваға әдебиет және өнер саласындағы мемлекет сыйлықты табыстау сәті, 2018 жыл.

Давид Акопянның аты аңызға айналған фотосы. Жас шебердің айтуынша, мұндай кадр фотографтың өмірінде бір-ақ рет болуы мүмкін. Фотода: ТМД саммитіндегі Президент Нұрсұлтан Назарбаев, Сочи, 2017 жыл.

Нұрсұлтан Назарбаев елде де, халықаралық аренада да толеранттылық пен өзара сыйластыққа шақырған бітімгер. Қазақстанда ерекше құрылым – Қазақстан халқы ассамблеясы құрылған. Фотода: Нұрсұлтан Назарбаевтың Ұлыстың ұлы күні мерекесіне қатысуы, 2017 жыл.