АСТАНА, 16 наурыз – Sputnik. Қостанайда қылмыстық істер жөніндегі мамандандырылған ауданаралық соты полиция бөлімшесіне шабуыл жасаған ер адамды он жылға бас бостандығынан айырды, деп хабарлайды Sputnik Қазақстан.
Сот ер адамды полицейлерге қастандық жасамақ болғаны үшін кінәлі деп танып, 10 жылға бас бостандығынан айырды. Енді ол жазасын қатаң режимді колонияда өтейді.
Бұған қоса, сотталушы аудандық полиция ғимаратының терезесін сындырғаны үшін 82 мың теңге материалдық шығын өтеді. Сонымен қатар, одан жәбірленушілерге өтемақы қорына 30 АЕК, яғни 75 мың 750 теңге мәжбүрлі төлем алынды.
Тағы оқыңыз: Алматының қақ ортасында атыс болды
ВАЗ-21102 маркалы автокөлігі мемлекет пайдасына тәркіленді. Полиция ғимаратына шабуыл жасаған кезде ол осы көлікпен келген.
Сот үкімі заңды күшіне енген жоқ.