2019 жылы отбасын құратын жұлдызды жұптар - фото

Tokio Hotel неміс тобының гитарашысы Том Каулитц сүйіктісі – супермодель Хайди Клумнан 16 жасқа кіші. Бәлкім, содан шығар, Хайди бұрынғыдан бетер құлпырып, жайнап кетті. 2018 жылдың желтоқсанында супермодель Instagram парақшасында көздің жауын алатын жүзігін көрсетіп мақтанып, "Мен "иә" дедім!" деп жазды.

Леди Гаги үшін былтырғы жыл жемісті болған сыңайлы: әуелі алғаш рет толық метражды фильмге түсті - Брэдли Купердің "Звезда родилась" картинасында басты рөлді сомдады, ал қазан айында сауық кештерінің бірінде жұлдыз өзінің менеджері Кристиан Кариномен үйленуге сөз байласқанын мәлімдеді.

Әнші Кэти Перри былтыр сәуір айында актер Орландо Блумға тұрмысқа шығатынын жария еткен болатын. Фанаттар үйлену тойын асыға күтіп жүр...

29 жастағы Зои Кравиц те күйеуге шыққалы жатыр, үйлену тойына дайындық баяғыда басталып кетіпті. Rolling Stone журналына берген сұхбатында актриса өзінің жігіті – 30 жастағы актер Карл Глусманмен сөз байланысқанын растады.

Криштиану Роналду мен Джорджина Родригестің үйленетіні туралы сыбыс футболдан әлем чемпионаты кезінде шыққан еді. Сол кезде Джорджина Мәскеуге сүйіктісіне жанкүйер болу үшін келіп, саусағындағы жүзігін көрсетті. Қараша айында қос ғашық Лондонға романтикалық саяхатқа барып келген соң, португалиялық БАҚ-та Криштианудың Джорджинаға үйленуге ұсыныс жасағанын хабарланды. Бірақ жұптың өзі бұл мәліметті растаған жоқ.

Әнші Джо Джонас ғашығы - "Тақтар ойыны" телехикаясының актрисасы Софи Тернерге қазан айында үйленуге ұсыныс жасаған. Бұл туралы Софидің өзі Instagram желісінде хабарлады – ол саусағына неке жүзігін таққан қолының суретін жариялап, "Мен "иә" дедім" деп жазған.

Леди Габриэлла Виндзор мен жігіті Томас Кингстонның үйленетіні туралы қыркүйек айында белгілі болды. Ер адам табиғаты сұлу Сарк аралында сүйіктісіне ұсыныс жасапты.

Былтыр тамыз айында сегіз жыл жұптары жазылмаған Джейсон Стэтхем мен Рози Хантингтон-Уайтлидің үйленетіні туралы ақпарат шықты. 51 жастағы актер мен 31 жастағы актриса бұл маңызды шешімді қабылдауға ұзақ жыл ойланыпты. Ұлы дүниеге келген соң көп ұзамай актерлер отау құратынын мәлімдеді.

Биыл жұрттың ауызында жүрген үйлену тойларының бірі - Мария Франсиска Перельо мен Рафаель Надальдың некелесу рәсімі. Айтпақшы, Надаль – "Үлкен төрттің" жалғыз үйленбеген ойыншысы және әлі әке атанбаған.