АСТАНА, 27 қаңтар — Sputnik. Еліміздің батысына белгілі "Ақ Жайық" газетінің редакциясы Әбділдә Мұқашевтың қайтыс болғанын хабарлады.
"Ақ Жайық" ЖШС және редакция ұжымы, сондай-ақ марқұмның туған-туысқандары газетіміздің негізін қалаушы, кәсіпорын басшысы Әбділдә Рахмеджанұлы Мұқашевтың 59 жасқа қараған шағында ауыр науқастан мезгілсіз қайтыс болғаны жөнінде қайғырып хабарлайды", — деп жазылған басылымның сайтында.
Марқұммен қоштасу және жаназа рәсімі 29 қаңтар күні сағат 9-да Атырауда "Ақ Жайық" ЖШС кеңсесінде өтеді.
"Ақ Жайық" басылымы Қазақстанның мұнай астанасының бас газеті саналады. Газет 1991 жылдан бастап шығады.
Қазақстанның халық әртісі Зәмзәгүл Шәріпова өмірден өтті
Естеріңізге сала кетейік, бұған дейін Петропавлда "Казахстанская правда" республикалық газетінің меншікті тілшісі Валерий Мерцаловтың дүниеден озғаны белгілі болды.