АСТАНА, 16 қаңтар — Sputnik. Жол апаты Саин және Жаңажол көшелерінің қиылысында болды.
Куәгерлердің айтуынша, Hyundai Elantra Саин көшесімен оңтүстік бағытта келе жатқан. Жүргізуші Жаңажол көшесінде солға бұрылады. Осы кезде Саин көшесімен солтүстік бағытта Nissan Maxima келе жатқан.
Саин және Жаңажол көшелерінің қиылысындағы жол апаты
© Sputnik / sputnik
Hyundai Maxima-ны өткізіп жібермеген. Соңғы аталған көлік тежегішті басып үлгермей, бар жылдамдықпен Hyundai-ды соққан. Осыдан кейін Maxima жиектасқа ұшып түскен.
Жол апаты салдарынан екі бала зардап шекті, екеуі де — Maxima-ның жолаушысы. Олар ауруханаға жатқызылды.
Саин және Жаңажол көшелерінің қиылысындағы жол апаты
© Sputnik / sputnik
Оқиғаның мән-жайын жол полициясының қызметкерлері анықтап жатыр.