АСТАНА, 8 желтоқсан — Sputnik. Ақтауда автокөлік жарылған сәт видеоға түсіп қалды. Зардап шеккендер жоқ. Бұл туралы Маңғыстау облысы денсаулық сақтау басқармасының баспасөз қызметі мәлімдеді.
Жарылыс болған сәт түсірілген видеороликті желі қолданушылары жіберді, деп жазды Lada.kz.
Онда жанып жатқан автокөлік жарылып кеткені көрінеді. Бұл кезде өрт сөндірушілер жұмыс істеп жатқан.
Маңғыстау облысы денсаулық сақтау басқармасының баспасөз қызметі оқиғадан ешкім зардап шекпегенін хабарлады.
Төтенше жағдай Ақтау қаласының орталығындағы музыкалық драма театрдың жанында болған.