АСТАНА, 3 желтоқсан — Sputnik. Қазақстанда әлеуметтік желінің өзіндік орны бар. Мысалы, Facebook, Instagram секілді желілер табысты ер адамдардың көптігімен ерекшеленеді. Олар әдемі де сауатты жазып қоймай, көпшілікті өздерінің ырқына көндіріп, сөзін өткізе біледі. Ал қоғам өз кезегінде бұл жандардың сөзіне құлақ асып, оларға еліктеуге тырысады. Назарларыңызға Қазақстанда әлеуметтік желіні ұтымды пайдалана білген саясаткерлер мен кәсіпкерлерді ұсынамыз.
Посмотреть эту публикацию в InstagramПубликация от nurtasadambay (@nurtasadambay) 19 Ноя 2018 в 5:20 PST
Нұртас Адамбай
Қазақстандықтарды "Сәбина келін", "Тараз" сынды фильмдерімен қуантқан режиссер Нұртас Адамбайдың 453 мың оқырманы бар. Ол өзекті мәселелерге қатысты өзінің көзқарасын жария етіп, постына жазылған пікірлердің көп бөлігіне жауап қайырып отырады. Көп жағдайда мұны жеңіл әзілмен жеткізгенді ұнатады.
Посмотреть эту публикацию в InstagramПубликация от Alisher Yelikbayev (@yelikbayev) 10 Ноя 2018 в 9:01 PST
Мұхамеджан Тазабеков
"Асыл Арна" директоры Мұхамеджан Тазабековтің желіде 31 169 оқырманы бар. Діни арна директорының қазақтілді аудитория арасында беделі биік. Ол посттары арқылы Қазақстан халқын ұлттық құндылықтарды дәріптеуге, дінге құрметпен қарауға шақырып отырады.
Айдос Сарым
Саясаткер Айдос Сарым желідегі парақшасында Қазақстанның ішкі саясатына, мемлекеттік тілдің мәртебесіне және өзге де ұлттық құндылықтарға қатысты пікірін бүкпесіз айтып отырады. Ол өзге әріптестерінен посттарын екі тілде жазатындығымен ерекшеленеді.
Посмотреть эту публикацию в InstagramПубликация от Арман Тосканбаев (@toskanbayev.a) 26 Ноя 2018 в 1:27 PST
Арман Тосқанбаев
Небәрі 27 жасында оннан астам кәсіптің тізгінін ұстаған Арман Тосқанбаев та әлеуметтік желідегі белсенді азаматтардың бірі. Ол парақшасында жобасына қатысты жаңалықтарды ғана бөлісіп қоймай, ата-анамен қарым-қатынас, болашақ жар таңдауда қателеспеу сынды тақырыптарда да өз ойын бөліседі. Сондай-ақ, қазақстандық жастарды мотивациялық посттарымен жігерлендіргенді ұнатады.